I kommunen vår finst det fleire å snakka med om bekymringar, tankar, kjensler og trivsel. Med andre ord skal du alltid finna nokon å snakka med om kva som helst, anten det gjeld deg sjølv, ein ven eller nokon i familien. Om du har god kontakt med ein lærar kan han eller ho hjelpa deg direkte eller finna rett teneste til akkurat det du treng. Alle som arbeider med barn og unge i kommunen har teieplikt og må ha ditt samtykke for å involvera andre. Les meir om kor du kan ta kontakt i kommunen her. 

I kommunen vår tek me alle bekymringar, små og store, som gjeld barn og unge like alvorleg. Om det er eit barn i familien din, venekretsen eller i nabolaget er det godt å ha ein vaksen som ser situasjonen til barnet og bidreg til at barnet får den oppfølginga det skal ha. Du kan melde bekymringa di til alle i kommunen som arbeider med barn. Det kan vere lærar/rektor, tilsett i barnehage, helsesjukepleiar, SLT-koordinator eller hendvend deg til servicetorget for ein kontaktperson over telefon. Les meir om Uro for barn og unge. I kommunen jobbar me saman med barnet og familien for å sikra at grunnlaget for bekymringa vert handtert gjennom BTI – Betre Tverrfagleg Innsats som sikrar oppfølging og løysing. Les meir om dei ulike tenestene i vår kommune.

Dersom du er føresett kan du finna meir informasjon om korleis kommunen jobbar her.

Dersom du er nabo, ven eller ein del av ein utvida familie kan du finna meir informasjon her.

Som tilsett er du pålagt å handla om du opplev ei bekymring knytta til eit barn. Det kan vera livssituasjon, familieliv, helse, trivsel på skule og likande som kan ha innverknad på barnet. Benytt deg av BTI-rettleiaren for å sikra riktig framgang i situasjonen etter modellen. Her finn du ei oversikt tenester i kommunen. 

Du kan og lesa meir på denne sida for å få meir informasjon.